E Khangeri kaśtukani E Laćhi Vestă – Rediu

Jekhe istoriaça dïlgo and-o them le Neamcosqo, e khangeri „E Laćhi Vestǎ" andar o Polobok sas vazdini and-o berś 1728 vaś ol pakǎvne trujal. 

Ćaćes, but andar kadala khangerǎ sas vazdine andar kaśt, jekh materialo savo arakhelas pes but, vaś ke ol veśa steźarosqe ućharenas but than atunći. Vazdine katar ol familie barvale kathar, ol manuśa le gavesqe kerde te avel śajutnes te avel vazdini e khangeri. 

Voj dikhǒl pande forma bari, o naoso dïlgo, ama vi pand-ol bolte uśe haj bare. Inkerel jekh andar ol maj kuć katapeteasme arakhle and-ol khangerǎ kaśtukane andar o źudeco Neamc. Piktime and-o stilo neobizantino, but ekspresivo, ol spećialiśtǎ pakǎn ke si e maj kuć „biźuteria” le läkaśosqi kultosqe.  

E khangeri si jekh ćaći biźuteria haj akharas tumen te dikhen la! 

O läkaśo rugimasqo sas vazdino sǎ andar kaśt, haj ol fundacie haj ol elevacie si kerde andar zidäria barresqi baro. E śerutni buki le arhitekturaqi la khangerǎqi si ol kile thule kaśtukane, ćhinde haj khuvde and-o stilo tradicionalo moldovenisko. 

O vazdipen reliʒioso si les numaj jekh turla thodi opral o pridvori, haj dikhǒl verver avre khangerǎnθar kaśtukane, saven si len maj but turle, na numaj jekh. 

Sa kadja, dikhǒl vi e streaśina buxli savi ʒal pala o konturo le duvarenqo, haj si jekh aver buki śerutni vaś e arhitektura moldovenisko.

---

E familia Krupenscki sas la jekh rolo śerutno vaś o baripen kadale thanesqo, vi kadale khangerǎqo, haj kadaja sas ktitorime katar o Aleku Krupenscki, kaj bućhol vi Aleku Polobok.

Jekh membro la familiaqo Krupenski sas phendo vaś e jekhtovar and-ol hrisoave domnisko andar o śeliberś XVII, haj vi and-o xramosaripen pa sar si e Moldova, katar o Dimitrie Kantemir. O xramosarno phendǎs pa e familia Krupenski ke sas rig andar ol 75 familie śerutne andar o them, haj sas la thana but and-e Basarabia haj and-o purano thaharipen. 

 Te kamesa te nakhes o prago vi avre läkaśenqo kultosqe kathar, daśtis te aćhes vi k-e Mänästirea Tazläu, e Mänästirea Nekit, e Mänästirea Runk vaj e Mänästirea Ćiolpani. 

 Sa kadja, paśal maj daśtis te dikhes o Komplekso Muzealo Piatra Neamc, haj vi o Muzeo Istoriaqo Buhuśi.