O Turno katar o Hotärani

Baro haj ućo, o turno medievalo katar o Hotärani xulajarel barikano e vazi trujal. Katar o ućipen maj baro de 15,8 metrǎ daśtisas te xarnǎres le jakhença savorri xarr le Oltosqi. 

And-o nakhipen, sas rig andar o ansamblo kerdi andar e mänästirǎ haj  e bar boierisko. Kadala turnoja zorǎrde sas thode vaj garavde, sar obiektivoja militaro, vaj and-o ansamblo le mänäsirenqo, sar turnoja portaqe. Maj daśtinas te aven thode le khangerǎqe, ama sar bukǎ rigaθe. 

 

Paśa ol zidoja le turnosqe daśtis te godisares tut o beśipen le paznikosqo haj o maripen le kudunesqo, e dar le manuśenqi. Phenes ke aśunes lenqe pasoja sigǎrde, dikhes len naśindoj karing e porta le turnosqi kaj trenul te garaven pen katar ol duśmanǎ.  

E livni le kudunenqi katar o palutno nivelo sas la roro arakhimasqo haj dikhimasqo. Kathar, pande ol śtar putarimata bangǎrde, daśtisas te dikhes sǎ so si katar ol savorre punktoja kardinalo. Kana o pazniko dikhelas o nasul, cïrdelas ol kudunǎ kaś te ʒanen ol manuśa te garaven pen.

Jekhe istoriaça barvali, o turno dikhlǎs but evenimentoja politiko haj kulturalo le epokaqe. Binevǎrdo, o Turno katar o Hotärani si jekh biźuteria le amare barvalimasqo kulturalo haj ages si nevǎrdo. Arakh kadava barvalipen garavdo haj mukh tut ingerdo lesqe paramićǎθar. 

---

K-o Hotärani sas arakhle ol puranimata le triburenqe traćiko nord-dunäreano andar e epoka le sastresqi, haj vi andar e jekhto epoka le sastresqi Hallstatt haj e dujto epika le sastresqi La Tène. Ande kadala vremoja, e agrikultura ʒeto-daćiko azbajlǎs o maj ućo nivelo barimasqo. 

P-o xramosaripen ande ćhib grećisko de p-o duvar le turnosqo phenel pes ke „kerdǎs pes kadava turno pande kontribucia haj ol love le dudǎrde rajesqe o Neagoe voievodo le Themesqo Romïnisko and-o berś 7028 (1520)”.

---

Śerutne manuśa

O baro vorniko o Mitrea (Dumitru), o ktitori le Mänästirǎqo Hotärani, si jekh andar ol śerutne manuśa politiko andar e dujto paś le śeliberśesqi XVI. Nǎmo le Mihneaça o Turćito, o xulaj le Themesqo Romïnisko, vov anelas o steago xulajmasqo kadalesqo, haj lośarela pes le titlosθar o baro vorniko. 

Jekhutne bukǎ kaj ʒives len

Na telǎren d-and-o gav angla te dikhen e khangeri andar o Hotärani, vazdini and-o berś 1588 p-ol peravimata jekhe gavesqo romano, suburbia le forosqi antiko Romula. Na ʒan nići paśa o Kher Memorialo Nikolae Titulesku, kher milajesqo le familiaqo le bare diplomatosqo gaʒo. 

Numaj 30 minutojenθar phirimaqe le vurdoneça daśtis te dikhes e Kula Kaleceanu andar o Enośeśti, paśa e Piatra-Olt. Kadaja sas vazdini katar o Boieri Käleceanu, sas stegaro and-e armata le Tudoresqi Vladimiresku, p-o than kaj sas o kastro romano Aćidava.