E khangeri kaśtuni O giripen and-e Khangeri le Devlesqe Dajaqo - Brezoj

Na-i but prinӡardi ages, tha’ e Khangeri kaśtesqi kaj bućhol “O giripen and-e Khangeri le Devlesqe Dajaqo” andar o Brezoj marel pes le timpoça, haj si märturia anda o nakhlipen ortodokso haj artistiko le Loviștaqe Themesqo. Kerdi katar ol brezojenǎ k-o agor le sekolosqo XVIII, e khangeri si but rimome.

O vazdipen andar o kaśt steźarosqo mukhel tut bimosqo sosqe si simplo. Si sar jekh bero, na-i les turla haj si trujardo katar jekh kuśtik skulptime sar jekh śelo boldino. O pridvoro inkerel pes p-o șov tile steźarosqe kaj miazon le furkença boldimasqe le gavutnenqe!

And-o berś 1865, e khangeri sas tenkuime haj piktime andral haj avral. E piktura kerdi and-e tehnika freska si jekh paś andar laθe.

Te areses ande Xar le Lotruosqi, ker jekh popaso k-o Brezoj, kaj jekh kuć monumento popularo artaqo vlahïkano aӡukerel tut te arakhes les!

---

Sosqe na maj si aver pikturǎ

E piktura le khangerǎnqe ansamblosqi andar o Brezoj si kerdi and-e tehnika freskaqi, haj o programo ikonografiko si jekh thanesqo. Avral o altaro, ol sćene devlikane andar e khangeri si kolorime zuralo and-o sinio sar o pani, nuanca andar o sekolo XIX. Paśe varesave andar lenθe si vi xramosarimata kaj eksplikin kon si ol manuśa haj so ïnsämnon ol kompoziţii.

And-o berś 1865, o kher kultosqo sas tenkuime haj piktime avral haj andral. O primari la komunaqo andar kodola berśa, o Sima Stanovići, kaj sas muntenegreano, khethanes avere manuśença pokinen e buki. Ages inke maj daśtil te dikhel pes p-o zido apusosqo le pronaososqo jekh tabloo le ctitorosqo Stanovići haj pesqe ӡuvlǎqo.

---

E pasamići le thanesqi

O vazdipen sas kerdo katar jekh kälugäri kaj bućholas Josif, savo thodǎs pesqe anglal o kher kultosqo jekh caxra vaj jekh kherorro.

E paramići phenel ke jekh haiduko rodino katar ol porale beślǎsas garavdo trin gesa and-o podo la khangerǎqo. Vi ke ol porale rodine ande sa o Brezoj kaj te arakhel les, ći rodine les and-o podo le tikne khangerǎqo. Kana gelo pesqe, o haiduko mukhlǎs kathe jekh avgin, thovdi palal o käprioro andar o räsärito, tha’ savi sas arakhli sig katar jekh baxtalo.

---

Śukar eksperience

O Brezoj si but prinӡardo vi katar kodola kaj plaćal len o kampingo haj ol gilǎ folk, blues vaj rock, k-o Summer Camp Brezoj kerindoj pes festivalurǎ periodiko, sar si Open Air Blues Festival.

Kas plaćal len te phiren daśtin te dikhen ol șukar xarǎ le Oltosqe haj le Lotruosqe, śukar peisaźença naturalo sa o berś.

Haj te kames te mai dikhes vi aver khera kultosqe andar e zona, daśtis te opris tut vi k-e Khangeri Projeni, vaj k-ol Khangerǎ Kozia, Turnu, Malaja thaj Kornetu kaś te rugis tut haj te kalmis tut.