E Kula Nistor

E Kula si thodi p-o Plaj le Gïrdanosqo, o gav Ćernći, e komuna Śimian, and-o źudeco Mehedinci, paśe kam de 9 km kaθar e lokalitatǎ Drobeta Turnu Severin haj but paśe kaθar e Kula le Tudoresqi Vladimiresku. Anglal te avel kerdo o foro Severin, o Ćernecio sas vaś maj but śeliberśa e kapitala le źudecosqi Mehedinci.  

Vazdini kam and-o berś 1800, e Kula Nistor del maj but anda o ververipen le formenqo arhitekturalo spećifiko le thanesqe. Si la jekh parteri ćhuto kam and-o plaj haj jekh pridvori savo si but śukar haj si les kile skulptime haj jekh atmosfera laćhi. E Kula Nistor del jekh rodinipen and-e tradicia arhitekturalo spećifiko le Olteniaqe. Ol livnǎ dudǎrde haj bare, ande savenθe ʒas d-and-o pridvori, khuven but miśto ol kaśtukane bukǎ haj ol barrutne bukǎ, haj keren jekh atmosfera sar na maj si aver. 

And-e istoria la Romïniaqi, ol kule si vazdimata kaj keren duj bukǎ: si kerde vi arakhimasqe, ta vi te beśes and-e lenθe. Von sas kerde d-andar o śeliberś XVIII, ande jekh konteksto soćialo haj politiko spećifiko haj mukhle pen pa ol neve mangimata. 

O vazdipen si te avel nevǎrdo haj ćhuto and-o turistiko drom, haj si te kerǒl jekh than kaj si musaj te dikhen les kodola savenqe ćajlǒl len e istoria haj e arhitektura. 

---

E paramići le thanesqi

Na dur kaθar e kula le Tudoresqi Vladimiresku si e Kula Nistor, na-i miśto ke phenel pes laqe kadja, voj sas vazdini kaθar o Jordake Säliśteanu, o maj baro la armataqo le Tudoresqi. E Kula sas vazdini and-o berś 1810 haj and-o berś 1815 sas phabardi kaθar ol xoraxaja. Pala so sas mardo o Tudor and-o berś 1821, o maj baro la armataqo, o Nistor haj niśte pandurǎ bolden pen p-o Plaj le Gïndanosqo haj vazden p-o than le Säliśtenenqo jekh but śukar haj gogǎver kula, ćaće bukǎnça arhitekturalo. 

---

Jekhutne eksperience kaj ʒives len

Numaj deśe minuturenθar kaθar e Kula Nistor arakhen pen ol purane barra la Dizaqe Ada Kaleh. O jekhto zorǎripen de pe sas insula Ada Kaleh sas vazini and-o śeliberś XV kaθar o Janku le Hunedoaraqo. And-o berś 1520 pe insula avile xoraxaja haj line la haj thode laqe o anav Ada Kaleh. 

Jekh aver objektivo saves śaj te dikhes les si o Komplekso Arheoloʒiko andar e Drobeta Turnu Severin, saves si les: