E Kula Kaleceanu

Thodi and-o Enośeśti, ages rig andar o tradicionalo foro Piatra Olt, e Kula Kalaceanu putarel pesqe udara karing o nakhipen pherdo istoriaça la Olteniaqi. Vazdini and-o śeliberś XIX p-o than kaj sas jekh aver kula, o Konako Ana Kaleceanu inkerel maśkar ol thule zidoja e istoria haj e memoria le manuśenqi kaj beśen kathe.  

Thodi strateʒiko, paśal o Kastro romano Aćidava haj kaj arakhen pen niśte droma kaj ingeren karing o Karakal, Gäneasa, Slatina haj maj dur, so maj aćhilǎs andar e Kula Kaleceanu sikavel jekh aura istorikane barimasqi. 

Ol zidoja andral ingeren tut karing o ʒaben andre kaj sas maj anglal monumentalo, haj andral arakhesa jekh than vorta, opral savesθe si sar jekh korona jekh pivnica bangǎrdi. Ol niveloja oprutne sikavena tuqe terase haj verande ućharde bute koloanenθar haj arkadenθar, save denas le vazdimasqe jekh verver śukaripen haj si verver desar aver simplo kasave vazdimata. 

Ol paramićǎ palal kadala but purane zidurǎ si kodola save ingeren tut vi maj andre and-e istoria le thanesqi haj kerel tut te kames te arakhes len.

---

Bukǎ arhitekturalo

O vazdipen sas les vi jekh zido andral, but miśto inkerdo and-e rig d-and-o nordo haj d-and-o vesto, haj sas jekh buki arakhimasqi. O ʒaben andre kerdo andar zido si thodo kathe haj si les forma sar jekh arko. Andral, e kula buxlǒl ande jekh plano rektangularo haj si la jekh bari pivnica boltaça. K-o dujto nivelo si jekh terasa, haj k-o trinto nivelo si jekh aver terasa verandaça. Kadaja e agorutni si inkerdi po trine koloanenθar ćilindriko haj si la arkade pe fiesavi latura. Kadala den la, verver desar aver kasave simplo vazdimata.

---

Xarno istoriko rodinipen

Phenel pes ke pala o berś 1880, o George haj e Ana Kalaceanu vazden o konako p-o than kaθar o Enośeśti, jekh vazdipen monumentalo so sikavel o statuto la familiaqo. 

Pala so mulǎs o rrom la Anaqo and-o berś 1890, o konako aćhel numaj laqo. And-o berś 1986 pala jekh dïlgo pharipen haj dukha, merel vi o Virʒil Kaleceanu, o śtarto ćhavorro laqo haj le Georgesqo. Phenel pes ke o Virʒil Kaleceanu sas praxome and-o limori la khangerǎqo de p-o than Enośeśti, kaj si and-e rig d-and-o vesto le konakosqi. Kadja, xakǎras maj miśto o vasdinipen la Anaqo Kaleceanu haj pesqe ćhejaqo, e Maria Mitesku vaś o arakhipen la khangerǎqo.  

Pala so mulǎs e Ana Kalaceanu and-o berś 1900, e Maria Mitesku lel e mośia Enośeśti haj o konako.

---

Jekhtune eksperience kaj ʒives len

Kana areslǎn ande kadava than but śukar si musaj te dikhes e Khangeri o Sfïnto Ilias - Piatra Olt, o źudeco Olt, kaj si paśe kaθar e kula. 

E Maria Mitesku, e ćhej la Anaqi Kaleceanu vazdinǎs and-e bar la khangerǎqi jekh monumento vaś ol zorale manuśa save mule and-o jekhto lumǎqo maripen. Pe plaka la marmuraqi kadalesqi si trin medalionǎ skulptime save sikaven o muj le Thagaresqo romano Traian haj le thagaresqo Ferdinand, haj vi e korona le thagarimasqi le Romïniaqi.  

Sa ande Piatra Olt daśtis te dikhes vi o Muzeo la istoriaqo kerdo and-e purani śkola andar e lokalitatǎ. Kathe si thode maj but bukǎ purane arakhle and-o kastro haj o than romano Aćidava, arakhle k-o Enośeśti.

Na daśtisa te ʒas maj dur bi te dikhes maj anglal vi e Mänästirea Brïnkoveni andar o gav Brïnkoveni, savi sas o kher le barvalenqo andar e familia Brïnkoveanu. Kathar cïrdelas pes vi o Matej Basarab, savo areslǎs o maj baro le Themesqo Romïnicko ande jekhto rig le śeliberśesqi XVII.