O Foro Medievalo le Severinosqo

Kerel vìzita

Linko kopiime!

Dikh o Foro Medievalo le Severinosqo, o than jekhe istoriaça śukar! Vazdini k-o astaripen le sekolosqo XIII p-o zervo malo la Dunärǎqo, o Foro le Severinosqo sas ande jekh xalimos reliʒioso haj militaro maśkar o Thagaripen ungriko, bulgarǎ haj ol voievozǎ muntenǎ. Kathe sas kerdi e dujto Mitropolia ortodokso and-o berś 1370, tha’ vi e Episkopia latino le Severinosqi and-o berś 1382.

O Foro le Severinosqo sas o ćentro politiko vi administrativo le Banatosqo Severinosqo. Lesqo than laćho sa dǎs les trin sekoloja jekh rolo importanto politiko, strateʒiko haj militaro, tha’ vi ekonomiko, andar ol but phandlimata bikinimasqe k-e Teluni Dunärea. O foro ovel andar e dujto paś le sekolosqi XIV-lea jekh ćaćo bastiono le marimasqo kontra le otomanenqo, tha’ vi jekh kuć mirikli la koroanaqi xulajenqi le Rumunikane Themesqi.

Prinʒarindoj laqi istoria, malavesa tut le kavalerença joanicǎ, le kavalerença teutonǎ, tha’ vi bare manuśença, sar si o Sigismund de Luksemburg, o Mirćǎ o Phuro, o Vlad o Beng, o Janku katar e Hunedoara.

Kana dikhes o Foro le Severinosqo, ʒasa and-e atmosfera medievalo le expoziciença armença, armurença haj instrumentojença malavimasqe, tha’ vi śukare kolekciença gadença haj instrumentojença muzikalo. Varesode thana kaj dikhes śukarimata dena tut jekh dikhipen śukar karing e Dunärǎ, jekh motivo maj but te dikhes o than haj te lośares tut katar jekh eksperienca jekhutni!

Xarno drom istoriaqo

Jekh andar ol thagara le Rumunikane Themesqe, kaj sas vi bano Severinosqo, si o Mirćǎ o Phuro. Kadava xulajarel o Foro le Severinosqo maśkar ol berśa 1387-1418. Ande kadava vaxt, o Foro le Severinosqo sas jekh andar ol maj importanto thana strateʒiko, militaro haj ekonomiko andar o sud-esto la Europaqo.

And-o berś 1406, o Sigismund de Luksemburg haj o Mirćǎ o Phuro arakhen pen k-o Severino te keren jekh plano marimasqo kontra le otomanenqi, kaj te naśaven le turćen andar o Balkani.

Akana, jekh andar ol säli le Forosqe le Severinosqe bućhol sar o rraj laqo, kathe si vi jekh śukar monumento kerdo vaś lesθe.

Isimata arhitekturalo

O Foro le Severinosqo si les duj thana zorǎrde andar barra, o jekhto si andar e dujto paś le sekolosqi XIII, haj e dujto katar o astaripen le sekolosqo XV.

And-e kuj nord-est le jekhtone thanesqi zorǎrdi si jekh Donjono baro. Kadava maj bućhol vi o Turno le Severinosqo.

And-o foro arakhesa ol aćhimata la khangerǎqe. O plano le vazdinimasqo si patrulatero, e absida poligonalo si avral haj semićirkularo andral. O naoso sas xulavdo katar o pronaoso maśkar duj kile. E khangeri sas kerdi andar stratoja kärämidaqe haj kalkarosqe blokojença, o materialo isindoj katar varesave vazdimata le romanurenθar.

Eksperience śukar

Te san and-e Drobeta-Turnu Severin, daśtis te keres malavipen la istoriaça antiko, dikhindoj o Kastro romano Drobeta. Kadava si and-o Muzeo Thanesqo ol Udara Sastrune, jekh andar ol maj śukar muzeoja le themesθar, kaj aʒukerel tut ekspoziciença arheoloʒiaqe haj istoriaqe, etnografiaqe haj artaqe popularo, tha’ vi ʒanimatenqe naturaqe.

Sa kathe daśtis te dikhes ol terme romane, o amfiteatro, haj vi jekh andar ol punre śerutne le Podosqe le Traianosqe, vazdino pala ol planoja le arhitektorosqe thagarutno o Apollodor andar o Damask.

Phenas tuqe te ʒas vi k-o Kastelo le Artenqo (kaj maj bućholas o Kastelo anda o Pani), kaj si jekh śukar muzeo vertikalo, ekspoziciença bimalavde, varesave jekhutne and-e Romïnia.