I Khangeri kaștesqe Svuntone Vojevoză - Guʒeśti

Sar avela te areses and-o jekh gav kaj si les jekh mirifiko pejsaźo thaj andar I tikni khangeri kaśtesqi te aśunel pen prićesnǎ gilbade le murśenθar andar o gav? Tha te ʒanes ke daśtis te ʒives jekh korkorutno momento, emocionanro, and-i khangeri ”Svuntone Vojevozǎ” andar ol Guʒeśti, orikkana aresesa. Dekhes lan dural, vopsime and-o karamizio, parne filastrinenθa, sar niśte perle, fal ke si jekh korabia bipakǎvni thovdini and-i phuv. 

Le ućharipnaça tablaθar, vazdini andar ol beranda thaj pala, si lan o rangǎripen astaridi katar jekh kotor poxtanesqi jekhe albastrosθar azurio, sar o ćeri. And-e khangeri andral dikhesa maśkar o kelipen le rangenqo, jekh komoara miśto inkerdi maśkar ol simple zidure. 

Kana areses kathe, ćaćes avesa laśardo katar I modestia thaj o pakǎjpen kadalesqi phurano gavesqe!

---

Jekh xarni historikano nakhavipen 

I khangeri kaśtesqi sas vazdini and-o berś 1879, isindoj ktitorime katar o Moise Marin, kaś te avel dini le pakǎvneqe andar o phurano gav ol Guʒeśti, jekh than kaj te daśtin te xakǎren pen maj paśe katar o Del.  

Maj si p0o zido andral katar o intrisaripen daśtin te aven dikhle vi ol anava le aver inke 8 ktitorea kaj sas vi von kana vazdiniǎs pes o svunto thanorro. 

K-o maj cira de 100 berśenθar katar o keripen, and-o berś 1966 I khangeri thaj I klopotnica lile o titulo le historika monumentenθar.

---

Korkorutne eksperience  

 Kana ćajlǒl tut o ekumeniko turismo thaj kames te sastǎres tuqe I eksperiencia andar kadaja zona, maj daśtis te maj dikhes vi o Skito o Plajn le Lonesqi, I Khangeri Brankovenesqo ”O Biandipen le Dajaqo le Devlesqi” andar ol Dragosloveni vaj ol manastire Rećea, Rogozu, Dalhauci vaj I Pojana le Phabajesqi.  

Aver thana kaj daśtin te ćajlǒl andar orso phirutno maj si vi o Monumento le Eojenqe andar o Jekhto Maśkarthemutno Maripen, o Muzeo memorialo ”Aleksandr Vlahuca” andar ol Dragosloveni, o Sito Daćilo Kindeśti, I Rezervacia Naturalo ol Barra Matei, thaj vi o skito thaj o kaskada Muntioru.